姜濤收返25歲退休宣言：係誇張咗　趁封場前打籃球被野生捕獲

近日本港爆發了第5波疫情，政府收緊連串防疫措施，包括關閉公眾文娛康樂場所，本地人氣男團MIRROR成員姜濤一向熱愛打籃球，前晚（6日）他被發現趁「封場」前跟疑似隊友呂爵安 (Edan) 現身柴灣籃球場打波，有網民就偷拍了他的照片並放上網分享。一眾姜糖（姜濤粉絲）聞風即趕往現場，可是姜濤已快閃離場。

另外，姜濤昨日接受「叱咤樂壇」訪問時，談到人生目標，曾經公開表示計劃29歲退休，之後又說提前到25歲退休的他，笑言買樓退休的人生目標冇變。至於是否真有計劃25歲退休，他說：「25歲係誇張咗，冇諗幾多歲退休，順其自然啦！人生冇話一定要點……可能下年呢？哈哈哈，講笑，唔會唔會！而家唔敢講有咩追求，希望係我離開呢行之後，大家覺得姜濤係幾好，大家記得我個名係姜濤而唔係姜B。（你唔鍾意姜B呢個稱呼？）姜B呢個名帶畀我好多好多嘢，不過始終想人了解真正自己，姜B只係我嘅一部分，呢3年佢都攰喇……」。