【射鵰英雄傳．多圖】黃蓉李一桐港仔勁冧 激讚純情最適合做女友
撰文：溫菁莉
出版：更新：
正在內地熱播的古裝劇《射鵰英雄傳2017》自上月播出而來都話題不斷，而這股熱潮亦吹到香港，唔少網友都好buy呢套劇集，當中最引起網友關注的必定是飾演黃蓉一角的李一桐。不少網友都話李一桐好「Gfable」(指適合做女友)，並瘋狂在討論區貼靚圖。睇返李一桐的微博，除了靚相都會有些不顧形象嘅搞笑相及女星最避忌嘅素顏，所以網友話李一桐好gfable都好適合。
今年26歲的李一桐，畢業於北京舞蹈學院，毫無表演經驗的她於2015年年底於網絡劇《半妖傾城》的試鏡中取得女主角一席位，據知該劇監製當時面試了300多位新人仍然不滿意，直到見到李一桐就叫對方試兩段戲後，最後更獲得全劇組鼓掌兼通過面試。
另外，大家可以留意返原來北京舞蹈學院向來都盛產美女，劉詩詩都係李一桐嘅師姐，而章子怡、白百何、宋茜、景甜等都曾在讀北京舞蹈學院附中讀書。