吳卓羲突襲跨年騷被指為戀情試水温 緋聞女友菊梓喬:啲水好凍。

撰文:吳子生
出版:更新:

菊梓喬(Hana)今日(5/1)現身將軍澳電視城出席《慈善星輝仁濟夜》記者會。提到最近與吳卓羲的緋聞戀情引起全城熱話,因男方在跨年騷不避嫌到場睇騷突襲後台撐Hana場,受訪時更敢言:「我嚟得都預咗見到大家,其實我嚟得仲怕咩。」不過就有人認為吳卓羲上次在微博Tag菊梓喬純粹試水温,見外界反應不大,就索性突襲後台擺明車馬半公開戀情。
Hana就上述事件接受《香港01》訪問時笑言:「踏入咗新嘅一年,最緊要大家開心啦,健健康康。(你哋係咪試緊水温?)啲水好凍!哈哈。而佢嚟睇騷,講個番說其實幾正路吖,因為有邊一個人嚟睇騷 話會話怕嚟睇騷㗎!(騷後大家有冇聯絡?)有呀!我有問佢好唔好睇,佢話好睇。」