菊梓喬封口不談吳卓羲　疑保護新戀情：有好事一定會同大家分享

日前除夕夜晚（31/12）《2021美麗的夜 香港跨年演唱會》上，菊梓喬HANA的緋聞男友吳卓羲到場賜騷兼突襲後台，接受訪問時雖然沒有直認戀情，但就明言：「我嚟得呢到預咗見大家，其實我嚟得仲怕咩?」令緋聞戀情更加疑幻似真。今日（01/1）新年在同一個地方亦舉辦了《聲夢維港演唱會》，不過今次吳卓羲就沒有在後台出現，演唱會後菊梓喬被問道吳卓羲的事時，就完全封口不提。莫非是想保護新戀情？

問道和吳卓羲的關係，菊梓喬回答：「都係冇乜特別，都係咁，哈哈。（即係點？）都係咁樣，冇乜特別。（你哋係朋友？）都一樣啦，哈哈。（如果有好消息會唔會同大家分享？）一定會一定會，有好事永遠要同大家分享。（但係而家唔講？）一樣啦。（公司唔俾講？）都係冇乜特別啦。」她最後更以一句：「新年快樂呀。」帶過了當時有尷尬的氣氛。

同一晚在亞博亦舉行了《叱咤樂壇頒獎禮》，菊梓喬對於沒能出席，就說：「我嚟咗呢度唱歌，都係跟公司安排。」