陳柏宇親解演唱會唱《逸後》爆喊原因：唔係你開心生活就永遠幸福
撰文：陳芷穎
出版：更新：
陳柏宇（Jason）於月初舉行一連兩場的《陳柏宇Fight For __ Live in Hong Kong Coliseum》紅館演唱會，更請來黎明以及方皓玟擔任嘉賓。Jason的YouTube頻道前日（29日）上載名為「陳柏宇 THE FIGHT 紀錄片」的演唱會幕後花絮，當中他親解第二場唱《逸後》時爆喊的原因，以及新歌《有我》背後的感人故事。
在第二場的演唱會上，Jason演唱《逸後》時突然淚崩，熒幕上則播放着親人、朋友移民的動畫，場面非常感人。他說這一個部份是關於離別，當中的無奈令他忍不住淚曬當場：「原來唔係你開開心心生活，建立一啲好好嘅關係，就好童話式咁永遠幸福快樂。原來係有一啲你冇辦法控制嘅因素，會令到呢啲咁美好嘅時光係要停止。」
Jason亦在演唱會上獻唱新歌《有我》，歌曲背後的理念是源自於他認為自己比任何人更能承受心理上的痛：「我會嘗試賦予自己喺世界上出現嘅原因，用嚟鼓勵自己，好熱血同好感觸，就係我比任何人都能承受心理上嘅痛，我天生就可以承受情感上嘅痛。我想去幫大家，有呢種情感上嘅痛畀我。」
+14
問到為什麼要去承受別人的痛時，Jason哽咽續指：「因為我叻，可以將一件唔開心嘅事變到我可以接受嘅事，呢方面我比任何人都叻。我明白有啲事係一定會發生，你冇得Say No。就算點唔開心，世界都一定會繼續轉，唔會因為你嘅悲傷而停，所以我學識咗點樣去承受。」替別人分擔情感上的痛就成了Jason新歌《有我》背後的概念：「你有啲咩不安、有咩唔開心，你頂唔住嘅話畀我頂。」歌詞寫到「天塌下來／縱使我沒法替你去擋災／無論傷春悲秋我亦在／伴你共接受無奈」，不少樂迷聽後大為感動，亦感謝Jason一直的默默耕耘。
點撃睇Jason演唱會靚相：
+6