全民造星IV｜Day唔覺「負評王」方方冇人緣：私底下係朋友
撰文：劉傳謙
出版：更新：
《全民造星IV》參賽者Day（許軼）今日現身旺角，與導師許廷鏗（Alfred）一同出席活動。首度參與公開活動，Day直言有點緊張：「真係第一次要面對鏡頭講咁多嘢，但係今日有Alfred導師喺隔離，佢都好好咁教我。（前一晚有問Alfred？）噚日冇問，不過呢樣嘢Alfred老師之前有私底下講過，面對傳媒嘅時候應該要點做，都有教過我哋面對鏡頭講嘢嘅時候應該要點做。」
Day指目前收到的評價和留言都屬正面，自己也對得到網民支持非常感恩：「有啲人會dm同我講，問我辛唔辛苦，叫我加油，我覺得好窩心，暫時收到嘅都係好貼心嘅說話。（有人形容你係「女版姜濤」？）呢個反而唔係咁多，主要都係畀意一啲支持我，覺得好驚喜同開心。」
今晚開展《造星IV》新一輪比賽，成功晉級25強的方方（方芷欣）備受網民抨擊。不過私底下，Day不認為方方人緣差，指目前與所有參賽者相處融洽：「私底下我哋都友好，我覺得96位參賽者都係好靚、有實力，大家都好特別。可能鏡頭前同平時相處上都會有分別，私底下大家都係朋友，互相支持。」