鍾麗緹大女預告往娛樂圈發展：同媽媽合作一定會好有趣

鍾麗緹女兒張敏鈞（Yasmine）早前在溫哥華華裔小姐競選當中，成三料亞軍，近日她接受TVB越洋訪問時，表示今次選美對佢嚟講係一個好有趣嘅經驗，而自己亦都未諗過會獲得三個獎。「我諗我最想得到嘅係才智出眾獎，好開心得到呢個獎。」

Yasmine由於未能奪冠而藉此來港參加國際中華小姐，但讀電影系嘅佢對娛樂圈甚感興趣。「我會繼續留喺呢個圈，尤其係演戲方面，雖然呢行都幾唔穩定，唔知自己會遇上咩機會，但選美過後令我更確定、同埋想喺音樂上投放更多時間，希望有一日可以推出自己嘅歌曲。」問到想唔想同媽媽合作拍戲，Yasmine表示從未諗過，但認為呢個提議都唔錯，仲話「同媽媽合作一定會好有趣。」睇嚟大家好快會喺幕前見到呢位星二代。