《東張》人妻梁麗翹懷孕6個月不停工：公司畀乜嘢做都唔會say NO

《東張西望》主持梁麗翹今日（11/12）出席上環一個腕錶發布會，穿起淺黃色展裙的她孕味十足，一旁的吳紫韻和莊思敏見到她上落時還示意要小心。

梁麗翹接受《香港01》訪問表示，其實BB已經有6個月大，笑說因為身邊朋友沒有發覺，才覺得應該在IG公布和與大家分享喜悅。她說：「呢6個月好似陀得幾好，同同事做咗幾個鐘嘢都好似冇發覺咁，所以我就諗住surprise佢哋。我覺得自己最叻嘅決定係瘦返先班再有BB，今次睇落健康咗，唔會好似之前咁好快就水腫。」

問到會否打算暫停幕前工作？梁麗翹斬釘截鐵地回答：「唔會！」表示現時身體狀況很好，更說上一胎也是工作到生B前兩星期才休息，所以今次也會一樣繼續工作。近期TVB《東張西望》較多報道曱甴屋、垃圾屋等惡劣環境，會否擔心被派去採訪時影響健康？她回答：「公司派啲乜嘢畀我哋做，正常嚟講都唔會say NO。我而家有BB，如果有咁多同事唔揀，都唔會特登揀我去曱甴屋掛。我諗公司都係跟返邊位同事適合，再派佢做嗰樣嘢。」