梅艷芳｜梅啟明入稟法院控告電影公司侵權 王丹妮：我冇理喎！
撰文：吳子生
出版：更新：
王丹妮今日（9/12）現身金鐘出席周年派對活動。對於自己有份主演的電影《梅艷芳》，近日遭到梅啟明入稟高等法院，控告製片商安樂影片有限公司，侵犯其擁有的「梅艷芳」商標，要求作出賠償。事件驚動梅媽媽，直斥梅啟明財迷心竅，指他如果提告的話，不排除斷絕母子關係。王丹妮就上述事件接受《香港01》訪問時說：「其實我冇理喎。因為我只係一個演員，而且又唔係我範圍之內，咁我就要做好我自己嘅本分，咁所以其餘嘅嘢，就要交返俾安樂電影公司去處理。而我要繼續努力做好電影宣傳呢個部分。」