阮兆祥梅小惠「親蜜」關係30年　曾跟女友稱：記得小惠做大你做細

現年55歲的梅小惠日前就在IG上載與阮兆祥的親密合照，更留言：「You are my sunshine,I am your sunshine too.」梅小惠和阮兆祥多年來一直被外誤以為是一對，而二人對此亦從不介意，反而非常享受這種「友達以上、戀人未滿」的關係。

梅小惠和阮兆祥相識超過三十年，當年分手後，阮兆祥甚至搬到她家隔籬居住，陪伴她走出失戀的傷痛。對此，梅小惠接受車淑梅主持的《舊日的足跡》中講道：「大家唔知，其實祥仔當時都失戀，咪一齊相依為命囉，不過佢真係好錫我。我再次澄清佢係單身嘅，有興趣可以致電營業部徐小姐，哈哈！」梅小惠又相信緣份終會到來：「我相信上天會畀一個更好嘅人我！有機會我都想結婚，但係而家已經係家庭主婦，我一個人住都要煮飯洗碗，不過係一個未結婚、就快55歲嘅家庭主婦！哈哈！」

人生有一位這麼好的知己確實不容易，翻看梅小惠的社交帳號就可以看出兩人友情深厚，而且還不怕外界的懷疑。不過，據知阮兆祥就曾經同小惠承諾過「50歲仲未嫁人就會娶佢」。後來他亦有解釋：「我好感激遇到梅小惠，但我哋之間從來都冇任何愛情，大家只係兄弟情，彼此之間已經好似家人咁。我哋會邀請對方同屋企人食飯，當初講嗰句說話，係想安慰小惠屋企人，因為嗰時佢失戀，我怕佢屋企人擔心先咁講。」而阮兆祥目前身邊亦有一個拍拖多年，感情穩定的女朋友Crystal，阮兆祥更曾經向女友講笑：「如果我實踐50歲娶小惠嘅承諾，記得小惠做大，你做細。」人一世身邊能有個關係如此親密的朋友，為了彼此開心而一起絕對是種福氣。

點撃下圖睇二人親密合照，不得不讚祥仔嘅女友好大方：