姜濤獻唱經典歌向樂壇前輩致敬：有責任要唱好廣東歌

MIRROR六子姜濤、Anson Lo、Ian、Edan、Jer以及AK一連兩場的演唱會今日（7日）於會展正式開騷，他們準備不同環節包括自彈自唱、連番熱舞等盡騷才華，令全場「鏡粉」High爆。六子完騷後接受訪問時謙虛表示仍有很多微細位可以改善，AK說：「完咗訪問就要再開會，希望聽日可以改善今日嘅瑕疵問題。」

MIRROR六子開騷　Anson Lo自彈自唱　AK勁歌熱舞炒熱氣氛

演唱會上，姜濤首次跳唱新歌《鏡中鏡》，他說非常緊張：「返去睇下先，希望聽日冇咁緊張，聽日一定好過今日。」而他亦唱了一連串向樂壇前輩致敬的歌曲包括《等》、《追》和《夕陽之歌》等等，他在台上表示有責任要唱好廣東歌。姜濤受訪時表示很久之前已經想做這個表演：「入行三年了解多咗廣東歌歷史，一直都想做，梅姐套戲啟發到我，作為artist唔單只作品，責任都應該更加大。」對於29歲要退休的計劃，他笑言：「買咗樓再同大家講，仲未買到樓，買咗樓再同大家講有冇能力去退休。」