愛回家｜梁茵演盡過百角色 被迫離巢不甘心：係咪自己演得唔好
撰文：吳子生
出版：更新：
現年27歲的梁茵（Kiko）加入TVB已有9年時間，近年憑在《愛·回家之開心速遞》飾演「威龍潘金蓮」Anita一角成功彈起，備受視迷喜愛。不過有指Kiko因為拒簽一份沒有底薪，而一年只有一個騷新合約，而被迫離離無綫。今日（7/12）梁茵（Kiko)現身尖沙咀出席法國著名品牌「Crisathena」時尚專櫃開幕典禮時，就上述事件接受《香港01》訪問。
Kiko表示：「其實我走嘅時候係好唔甘心，有時會諗自己係咪演得唔好。又會反問自己點解人哋會有嗰啲角色演，而自己就要演小三同拜金女嗰啲角色，成件事係令我好唔開心。而佢哋同我傾續約嘅時候，公司係有同我講要共渡難關，所以開咗一份有底薪嘅新約畀我，我係完全接受唔到冇底新呢樣嘢，因為做我哋呢行係好被動，有底薪先會有保障。」
Kiko續說：「其實當時佢哋開出咁嘅條件時，我係有諗過留唔留低。畢竟我喺呢度都9年時間，而且自己真係好鍾意演戲，所以堅持咗咁耐，亦曾演過過百個角色。講真我有一段時間係好唔開心，亦明白呢行係講際遇，同天時地理人和，係缺一不可。所以要趁自己仲後生決定去闖一闖。」