糖妹大讚陶大宇唱歌專業：面不改容唱畀你聽

香港漸漸踏入冬天，今天（30日）黃山怡（糖妹）拍攝《勁歌金曲》的時候，她接受《香港01》訪問，說到今天錄影的主題是唱有關冬天歌曲的主題：「我頭先講起冬天，究竟音樂人會唔會係冬天，譬如去滑雪個陣會唔會寫歌呢？點知Eric（郭偉亮）同我講『去滑雪仲寫咩歌呀』，我答佢又啱喎。」

糖妹表示最近在聽山口百惠的歌曲。（梁碧玲攝）

糖妹的工作由7月份忙到12月，中間並沒有休息，她透露明年準備給自己放一個假期：「我日以繼夜拍，7月到依家，拍咗5個月劇，人生未試過。打算放一陣，半個月啦，忙咗半年。我自己最想返內地探我阿婆，因為兩年冇見佢，好掛住佢。」

最近陶大宇唱的《倒轉地球》Hit爆全港，不少網友更為大宇開設粉絲群組支持他，糖妹也知道大宇哥很Hit，她說：「我覺得係佢獨有唱腔，佢因此得到好多人揾佢演出機會，同埋佢反差好大，幾得意，我未見過佢真真正正唱歌，幾開心，音準好好，面不改容唱畀你聽。」