劉錫賢與內地女友三年情告終 拖新女友現身：佢會好關心我嘅健康

劉錫賢今晚（29/11）現身銅鑼灣出席黃夏蕙生日宴會。劉錫賢透露因為疫情關係，與內地女友長時間分隔兩地，導致雙方感情轉淡，並在三個月前正式分手，三年情告終：「其實喺疫情呢兩年，基本上我哋都係靠離岸式咁樣聯繫方法，真係唔係維持感情嘅最好方法，咁所以我勸諫所有情侶，真係要定時定候大家係要見吓面。其實呢兩年我係想返去睇佢，但因為我要喺香港搵食供樓，而且係咪大家所講，返到去內地我一定有咁多工作呢？」

此外，劉錫賢亦透露現正發展新戀情：「我呢個女朋友Ievan係經朋友介紹，而且係香港人，所以大家傾落都好投契，過往我都係同內地人拍拖，所以同佢嘅感覺都會好唔同，佢會好關心我嘅健康，所以我會叫佢做監察官，哈哈！」