方力申慘遭陳瑩當眾拒合照好尷尬：佢鍾意做咩咪做咩囉

方力申（小方）今日（29/11）現身荃灣出席無綫節目《男神廚房開業喇！》錄影。提到日前在胡鴻鈞個唱騷應記者要求與緋聞女友陳瑩影合照時，竟遭到女方拒絕並且即時閃身離開，令場面非常尷尬。小方笑言：「其實之後佢都有聯絡我，話唔係唔想影，而係啱啱記者問過佢嘅緋聞嘅事，如果嗰一刻再同我影合照，又會怕記者再又問佢緋聞嘅事。仲同我表明佢唔想問呢類型嘅問題。而我作為一個前輩，就同佢講，佢咁樣避開咗，會令人更覺得奇怪。不過，佢就話自己唔介意嘅，而佢嘅個性都係忠於自己。咁既然佢咁鍾意做咩咪做咩囉，咁佢唔鍾意影，亦唔介意畀人講，咪無所謂囉。」