陳展鵬被連摑十巴　林夏薇現場嚇親：喺門口都聽到啪啪聲！

食住《乘勝狙擊》的氣勢，陳山聰、林夏薇今日到蘭桂芳出席情人節活動，林夏薇表示她將會炮製海鮮鍋給老公，而陳山聰將會由女朋友煮情人節大餐，他說：「平時我就煮俾佢多，今次佢話不如由我煮啦，咁我話好，乍已煲湯都唔錯，我會好期待，之前會同一班crazy runners跑下步先。」
本週《乘勝狙擊》大結局，最近鷲哥連摑陳展鵬10巴成為熱話，林夏薇表示當日亦在場聽到鷲哥摑，她說：「嗰日我入廠準備下一場，我未見到佢哋，已經喺門口聽到啪啪聲，我聽到即刻唔敢行又唔敢郁，因為我怕影響佢哋，應該真係好痛，我喺套劇都俾大師兄（徐忠信）摑，你知佢本身係武術指導，佢留手極都好大力，我俾佢摑完塊面熱咗好耐。」而山聰表示自己在劇中都被傅嘉莉摑過，他說：「我都有場俾kelly摑兩巴，我同佢講唔好就、唔好留力，一次過，唔係take2我仲傷。」