「港版周子瑜」吳家忻認慣性講廢話忽略男友感受：唔准嬲！

被譽為「港版周子瑜」的吳家忻今日（25/11）以性感造型現身尖沙咀出席珠寶店新開張。提到因拍攝「試當真」短片的《唔通佢有男朋友》極速竄紅，同時亦與「試當真」成員 Locker 林家熙擦出愛火，並且甜密交往中。家忻笑言：「其實而家我多咗好多工作，同佢冇乜時間見面，所以我係忽略咗佢，可能我事業心太重，哈哈！唔准嬲，希望佢聽到啦！（係咪感情轉淡？）我諗我唔係講愛情，但我諗愛情應該係會轉淡，不過我咁講應該會唔成立。我諗唔會啦！死啦！我講太多廢話，唔好介意，我經常性都係咁，哈哈！」