星空下的仁醫｜姜麗文演病童母演技爆發　喜獲爾冬陞肯定：好黐線

姜麗文（Lesley）今日（23/11）現身電視城出席無綫音樂節目《勁歌金曲》錄影。提到在台慶劇《星空下的仁醫》中飾演病童的母親何太，在早前播出的一集充滿洋蔥，聲淚俱下說出多年的委屈，一幕幕感動人心場面令視迷留下深刻印象，亦被網民力讚：「果然係秦沛個女」，有望奪今年台慶獎項「飛躍女藝人」。

Lesley接受《香港01》訪問時說：「其實我都有睇到網上嘅留言，得到大家嘅讚賞我係好感動又開心。諗返起當初我收到劇本要演呢場戲時，我係有啲擔心，驚自己領會唔到呢個角色嘅背景，係因為我未做媽咪。但當我去到片場要演嘅時候，我就諗起我爸爸媽媽對我嘅愛，將我帶到去嗰個情緒。」Lesley續說：「而另外最令我開心同鼓舞係，我爸爸同姜大衛爾冬陞三個都有讚我，我真係好開心，成件事令我覺到好黐線，咁呢樣嘢對我嚟講係最重要，因為得到佢三個嘅肯定，令我更加有動力去演好每一個角色。」