十月初五的月光丨羅天宇呻拍得好辛苦：底褲都濕晒

TVB台慶劇《十月初五的月光》今天（22日）首播，一眾演員聚首一堂觀看首集，劇中男女主角胡鴻鈞、何依婷和羅天宇也有現身出席。天宇和依婷接受《香港01》訪問時，依婷率先表示好期待：「付出咗好多努力，終於都出街啦。」在旁的天宇就覺得是一件很突然的事：「原本係下年先播出街，點知突然擺台慶劇，所以好唔真實。」

劇中三人都有感情關係，兩男爭一女，但在戲外何依婷卻是兩男之中多出來的那一位，天宇笑言：「主要係胡鴻鈞，佢喺劇組入面嘅開心果，佢有好多身體接觸對我。我好內向，佢就比較主動，有佢係到幫我好多。身體接觸就好多碰撞同攬住我。」

劇集由冬天拍到夏天，開始拍攝時候，劇中造形是冬天衣服，到了夏天，天宇形容是能去水腫：「純粹我哋咁嘅冬天衣著，30度天氣，所以就全身濕晒，衫褲鞋物同底褲都濕晒，所以依家我架車都會有啲替換下。」