裕美爆林作好憎前度　麥明詩疑反擊：不如講下我同德斌哥哥仲好

麥明詩（Louisa）雖然已淡出娛樂圈，專心做OL，但仍接受了戚其義監製的邀請，拍攝新劇《逐流時代》，更是她首次擔任女主角之作。

不過麥明詩前度林作現任女友裕美，近日上節目接受訪問，大爆與林作的性事之餘，更語出驚人，疑似暗地嘲諷麥明詩：「（你知啦，佢個前度都好巴閉。）但係佢係好憎個前度，死喇，呢句可唔可以講？因為佢係嗰啲分咗手就想佢死，即係唔好再畀我見到佢，佢唔會同前度做朋友，所以呢樣嘢咪就係有安全感囉。」

麥明詩近日上載與黃德斌的合照，洋溢成熟女人味，網友都大讚她靚咗好多。她表面上似乎為新劇宣傳，卻發文表示：「不如講下我同德斌哥哥仲好😍」似乎暗地回應裕美在節目上的驚人發言。有網友留言表示：「嘲諷之餘仲可以幫套劇做宣傳」、「10A同零分嘅分別。」

裕美爆林作好憎前度麥明詩　口快快：分咗手就想佢死

點擊睇麥明詩靚相！