何哲圖有意撬舊將過檔助東山再起　許廷鏗認食過飯：承蒙佢厚愛

許廷鏗（Alfred）今日（18/11）現身出席銅鑼灣日本著名品牌三周年慶祝活動。提到舊東家前星夢娛樂行政總裁何哲圖最近同余詠珊自組開新公司，傳有意撬舊將過檔東山再起。Alfred表示：「其實我同佢係有食過飯，真係承蒙佢嘅厚愛，但就未話正式地有一個正式嘅洽商。我諗佢都知我有自組嘅公司嘅，咁所以都希望佢新公司可以順利發展。（佢有冇透露新公司發展方向？）我知佢一直都係唔會變嘅係，對音樂個份執着，呢個係佢最強嘅地方。」

提到是時候知恩圖報何哲圖。Alfred笑言：「我相信對佢係夠感恩嘅，亦都坦白講大家都有個共識嘅。因為嗰陣時大家分道揚鑣，都係好老土嗰句『因為了解而分開』，嗰陣時我想學多啲嘢，而佢都好認同，就放手畀我去做。假使有一日大家緣份到咪再合作囉，一向都冇排除呢個可能性。（佢有冇開好條件？）咁又未去到呢個位，我諗佢新公司都係啱啱開始。」