【射鵰英雄傳】型佬苗僑偉戀三嫂35年　浪漫三哥：謝謝有你陪伴

苗僑偉（三哥）與戚美珍（三嫂）在電視城認識，相戀再結婚，婚後人前人後大曬恩愛，絕對是圈中模範夫婦。三哥雖然今年58歲，但型男外形仍然迷死人。

早年譚校長譚詠麟曾取笑三嫂身形暴漲，又取名「何文田肥珍」，不過三哥曾在節目中直言︰「我唔鍾意太瘦嘅女人，肥啲咪幾好，我成日讚佢有福氣。」三哥指簽字結婚便是一個承諾，兩人罕有地共用同一個微博戶口，經常大曬恩愛合照，在25周年結婚紀念日公開放閃多謝老婆︰「25年不算長，但肯定是不短的時光，謝謝有你的陪伴！」三嫂亦大讚老公好浪漫，識得送小禮物，又會在特別節日送花氹老婆。三哥在銀婚紀念日特別舉行神秘派對，邀請圈中好友出席，三嫂感動到喊。

三哥三嫂在1982年拍劇《飛越十八層》戲假情真，拍拖8年後結婚，婚後一齊淡出娛樂圈。兩人早前接受有線節目訪問時，透露出兩夫婦一齊工作，有時難免產生磨擦，當時拍住上打理眼鏡生意，三哥負責前線工作，三嫂負責後勤，「前線同幕後一定有衝突，但習慣咗，覺得是但啦，爭執完又無事。」在2004年，三哥將眼鏡生意賣盤，繼而復出拍劇，三嫂亦在2009年久休復出拍劇。面對三哥仍然型英帥，拍劇時身邊都圍滿後生小花，三嫂絕對放心，表現出老夫老妻的信任。