譚俊彥後悔公開被指控「鹹豬手」女主角身份：估唔到件事咁大

早前阿Shaun亮相無綫節目《男神廚房》在偈傾環節，自爆21歲當年拍戲時，曾被女演員指控「鹹豬手」，還大方公開女方是陳小春現任太太應采兒，令全場女嘉賓感愕然，但就獲Do姐拍手讚賞夠坦白。不過，事件在網上引起極大迴響，有網民直斥阿Shaun博宣傳，但亦有網民力撐他沒有做錯。

今日（8/11）譚俊彥（Shaun）現身觀塘出席無綫台慶劇《換命真相》宣傳造勢活動時，就此事表接受《香港01》訪問。他無奈表示：「其實我講嘅時候冇諗咁多嘢，因為當時我又唔可以講TVB以前啲同事，加上發生嗰陣時大家又細個，咁其實我應該考慮吓，唔應該咁樣講出嚟，真係唔好意思。而我真係估唔到會畀人講到件事咁大，咁所以如有人問我，我都會話件事都過去咗，都唔好再提。不過，我都好明白網上會有好多不同聲音，但經過呢件事之後，原來講真說話都未必係一個好好嘅性格嚟，連太太都話我係咪唔應該咁話人哋，咁所以自己都要好好作出一個好好嘅檢討。」