【乘勝狙擊】用WeChat都捉到綁匪？　徐榮撐神劇：條橋冇人用過

網友經常說無綫沒有新意，愛炒冷飯，你們的意見無綫真的收到了，昨晚編劇在《乘勝狙擊》發揮無限創意，將綁架戲推向另一個層次，觀眾可能未看，劇情是咁的，話說昨晚講述徐榮、林子善、趙希洛等要救出被綁架的陳秀珠，一班人在山上一直找不到綁匪的藏蔘地點，就喺呢個moment，趙希洛竟然靈機一觸想到用WeChat附近的人找綁匪，（劇中改為左右的人），要知道劇中綁匪是菲律賓人，他們會不會用WeChat溝通真的不知道，不過在劇中就真的發生了，雖然編劇已戴定頭盔，在劇中林子善有講「嘥氣啦，菲律賓人邊有呢啲㗎？」不過趙希洛等人一開附近的人，就找到一個叫Kay的菲律賓人，又咁啱做緊綁匪都用自拍做頭像，認真神奇，想不到WeChat能夠救參，不過看電視求開心，大家看完笑下就算吧。

劇中有份用WeChat捉綁匪的徐榮就大讚編劇有創意，他說:「其實我哋有同監製傾過嘅，得唔得呢？咁劇中我哋真係冇哂辦法，咁咩都要試㗎啦，我覺得好有創意喎，呢條橋冇人用過，係值得表揚㗎，其實我有啲馬來西亞朋友好多都用WeChat㗎，WeChat好多人用㗎，菲律賓人用都唔奇，最緊要大家睇得開心啦，繼續支持我哋！」