全民造星IV丨余潔滢機笑心跣出局？「大災難」黎美萱差一步入TVB
撰文：張國基
出版：更新：
ViuTV選秀真人騷《全民造星IV》上周五（12日）播出一集，有一組瘋狂對決，由兩位好朋友余潔滢（Zoe）、黎美萱（Michelle）比賽，結果率先表演的Michelle並不討好，無論導師及評判都睇得一頭霧水，花姐直指表演是「大災難」，Michelle解釋想演出到極致瘋狂。身為對手兼好友的Zoe，向鏡頭解釋：「佢原本編排唔係咁，但我哋覺得佢做返自己舒服啲。」最後Zoe得到兩盞紅燈晉級。
點擊下圖睇睇Ｍichelle有幾騎呢：
+9
事後有網民就指Zoe「識玩」，有做藝人「潛質」，一邊聲稱是朋友一邊利用朋友弱點令她出局，得知結果後露出勝利的微笑，被網民質疑充滿機心。節目過後Zoe貼出與Michelle合照留言：「我有個好朋友，同我一齊創造咗個美好嘅回憶，一齊報名，一齊排舞，一齊排表演，點估到連出場都會一齊，正所謂要驚就兩份驚。」Michelle回覆：「love you，能一起走過，多好。」證明關係不變。
原來跌入復活區的Michelle早就入行，曾在ViuTV節目《教束》中演菁英學生徐家琪，是菁英學生會「Oasis」成員之一，與劉俊謙領導的平凡學生內閣「不老騎士」打對台。Michelle前年讀完浸大電影學院課程，主修表演技巧，是廖啟智的學生，中四時已為港台做過Freelance演員。
四年前Michelle曾追夢報名參加《2017香港小姐競選》，更晉級至複選，不過當年最終入圍佳麗只得12位，是近年最少佳麗入圍決賽的一屆，令她錯過加入無綫的機會。
點擊睇更多黎美萱選港姐圖片及《教束》演出：
+6
全民造星IV︱國民妹妹Ivy全能擔當Marf 10位網民女團心水人選全民造星IV｜許廷鏗率先劇透多位人氣爆燈靚女被淘汰：人都癲！全民造星IV︱「翻版炎明熹」Ｍarf冇齊蔭靚勁多 姜濤都係佢粉絲全民造星IV︱87號Yoyo靚樣位列仙班都要輸 三位評判勢成千古罪人
同場加映：吳婉芳大仔胡智略娶霍英東孫女霍詠盈 低調豪門婚宴獲張學友獻唱
+15