張曦雯《7日羅曼史》做小三　辦公室偷情搶人夫

張曦雯（Kelly）早排開直播打機玩《Biohazard 7》，吸引一班網友熱論，不只得靚樣，亦夠親民。Kelly平時除了在《Pearl Tonight》做主持，近排都有機會拍下劇。上周六在J2台播出中韓合拍劇《7日羅曼史》由黃翠如主演，Kelly有份做第二女主角。今次Kelly做第三者介入好友的戀情，其中與陳智燊上演辦公室偷情戲份，與平時高貴大方的形象實行大逆轉。

今次在《7日羅曼史》中，Kelly首先以低胸晚裝出場，再穿上喱士睡衣，最後更升級與好友男友Jason偷食，最後更成功與Jason結婚。網友對住Kelly真係充滿幻想，又留言︰「識睇一定睇Kelly」近排女神去日本旅行，未有得睇直播打機，不過都可以睇住新劇先！