王君馨自爆初入行向伍詠薇自我介紹 竟被藐爆兼串︰好叻咩？
撰文：李婉文
出版：更新：
藝人陳敏之有經營自己的YouTube頻道，她不時邀請藝人們上節目聊天，最新一集《Chi Chat》請到王君馨，二人是伍詠薇（伍姑娘）介紹而認識的，但原來初入行時君馨竟被伍姑娘「串爆」？
+10
君馨選完2007年港姐得亞軍後，參加了第二季的《舞動奇蹟》，因此認識了伍姑娘，君馨表示當年得到對方的照顧。但原來初次認識時，伍姑娘竟「串」過她！當年她們一齊坐七人車，君馨一開門見到她，就自我介紹了一句︰「Hello你好，我係王君馨。」伍姑娘說︰「知啊，好叻咩？」之後補說一句︰「我同你玩㗎咋，哈哈！」敏之表示她們三人都是性情中人，大情大性，開不開心都會好快講出來。
講到君馨的老公Daniel，敏之大讚二人甜到漏，被問到二人的性格像不像，君馨說︰「我哋覺得乜嘢啱同錯呢，嗰啲就好相似，value。」她續說︰「但係性格就唔一樣，佢好唔鍾意試新事物，佢唔係一個好鍾意識新朋友，或者甚至乎好多朋友喺度，佢會寧願自己一個人，佢係一個好容易唔好意思嘅人，佢驚打擾人啦，又驚我喺度，你哋會唔會玩得唔盡興呢，或者你哋想傾女仔嘢。」
點擊下圖睇君馨嘅靚相︰
+44