換命真相｜張頴康澄清冇為NG鬧鄧佩儀 ：我諗我NG多過佢啦！
撰文：邱愛霖
出版：更新：
有傳無綫（TVB）藝人鄧佩儀（Gloria）拍攝電視劇《換命真相》期間，因頻頻NG，連「好好先生」張頴康都發火鬧人，張頴康今日（7日）出席鄭俊弘和何雁詩婚宴，澄清二人冇鬧不和：「嗰個（鬧不和）上年已經講咗㗎啦！我都唔知點解講我同鄧佩儀唔啱。即係好好笑，話我喺片場鬧佢，我諗我NG多過佢啦！但NG其實冇問題嘅，但話我同佢唔啱，呢個我好難澄清，要問我啲同事，我啲同事會知我係咩人，我就唔會對同事做啲咩，何況係女同事。」
他又謂：「Gloria係一個好盡責嘅人，其實可能第一次做女主角，佢背負住好多對白，好多時唔夠瞓，呢段時間我盡量去幫佢，令佢舒服啲。」他更指Gloria曾向他表示冇所謂「佢話咁咪當宣傳囉！由佢！」他補充指，同Gloria私下甚少溝通，「冇話friend唔friend，但見到面一定冇嘢。」
同場加映：星空下的仁醫｜演員中期評核報告 有配角表現勁過鄭嘉穎鍾嘉欣
+11
節目巡禮2022｜紅地氈騎呢衣著 馮盈盈似太空人江嘉敏勁大份節目巡禮2022｜紅地氈李佳芯仙氣取勝 劉穎鏇件衫展現玲瓏浮凸節目巡禮2022｜大合照排位露玄機 周嘉洛陳自瑤上位洪永城稍退後專訪｜無懼網絡欺凌強硬反擊 曾志偉：競爭係一定有但要公平十位TVB、ViuTV、Youtuber新一代女神 呢一年娛樂圈好豐收星空下的仁醫｜TVB邊個先係歷來最靚女醫生？ 朱千雪領銜眾女神