劉佩玥自揭曾遇渣男被情傷？　有感而發教網民要及時止損懂得離場

女神劉佩玥 (Moon) 日前於社交網上開live大談她的愛情觀，她表示：「要對自己嘅人生負責任，當你知道佢係一個唔好嘅男仔嘅時候，唔好同自己講我有幾鍾意佢，而係要同自己講你有幾多個理由係需要離開佢。因為at the end你唔係要對任何人負責任，你只係需要對自己負責任。即係如果知道佢係一個唔好嘅人，但係你都仲續同佢一齊，或者係繼續鍾意佢嘅話，你係對自己唔住咋。你爸爸媽媽控制唔到你，你朋友講咩都好，你嗰個moment都唔會聽得入耳，因為你覺得自己鍾意佢吖嘛。但係我覺得要對自己誠實啲啦，放手係一個學問嚟，咁當知道嘅時候都唔係太遲啫，早啲let go。」

Moon強調以上所講的道理不只是應用在網民所指的「狗公」，意思即渣男身上，也可以應用在渣女的身上。Moon續說：「可能佢唔係唔好，只不過係佢同你嘅價值觀道，德觀唔一樣嘅話，咁我覺得係呢個時候鍾意就唔係大晒，相處先係最緊要嘅嘢，如果相處唔到嘅話，就唔好夾硬嚟，夾硬嚟嘅話，最後都會唔開心。離開係一個學問，咩時候離場同股票一樣。」言下之意即是要懂得及時止損。