全民造星IV｜花姐質疑子涓忽然想玩女團　一睇表演改觀：佢出得道

進入11月ViuTV三線新綜藝同時上架，真人選秀節目《全民造星IV》孭重飛在晚上9半黃金時段搶收視。多得捧紅MIRROR，《造星IV》由宣布招生到節目正式出街，已具關注度，昨日首播明顯有吸收過去經驗，比賽節奏加快，96強1對1分晉級及復活組。

今日（2日）播出一集，首組對決由去年參加過《造星III》的子涓VS陳祖，子涓參賽之前曾經是Bingo成員，面試時花姐質疑子涓上屆講過不喜歡女團，今次又參賽，而於對手陳祖走可愛路線，同子涓南轅北轍。表演花姐讚時子涓：「身型好，其實佢有資格出道。」而陳祖唱原創歌《做人一定要養貓》，氹到全場好開心，雖然陳祖3票全敗，但評判Donald強調：「你首歌派台呀，我真係想播！」