陳詩欣結婚︱新郎陳爾正唔做訪問 新娘望傳媒原諒：佢怕醜呀！
撰文：吳子生
出版：更新：
無綫（TVB）節目《3日2夜》宅男女神陳詩欣（Eunice），今日（30/10）與圈外男友陳爾正（Joshua）拉埋天窗，晚上於中環四季酒店舉行婚宴，並廣邀圈中好友一同分享喜悅。下午5時50分，一對新人現身會見傳媒並拍照。
陳詩欣嫁陳爾正行頭十足貴氣逼人 化身Elsa戴巨型鑽戒閃到爆炸
+13
影完相過後，老公陳爾正未有陪同新婚妻子Eunice接受在場記者訪問。Eunice笑言：「我老公佢怕醜呀！頭先佢喺咁多傳媒面前影錫錫相，佢已經係一個好大突破，你哋原諒佢啦。（婚戒幾多卡？）三卡。（加埋身上鑽飾總值多少？）無價，哈哈！因為有冇價嘅愛喺裡面。（老公表現如何？）佢真係好好，因為我認識佢為人係一個唔會喊又冷靜嘅人，但點知今日去到教堂到佢講誓詞嘅時候，先發覺原來佢係咁愛我㗎，佢喊到鼻涕都流晒出嚟，我企喺佢面前，即刻用手幫佢抹，搞到我都忍唔住喊，但我要同自己講千祈要忍住唔好淚崩，因為我之前已經喊咗好多次，化妝師提過我再喊個妝會溶，到時個樣就唔靚。」
陳詩欣真係自己一個人做訪問：
+5