鄭嘉穎認家中地位低微 不強迫兒子入讀國際學校：我想佢學中文

由鄭嘉穎與馬國明主演的台慶劇《星空下的仁醫》播出已有一段時間，劇情緊湊深受觀眾喜愛。昨日（27日）兩大主角出席宣傳活動，馬國明接受《香港01》訪問說到：「我近來都忙住開工，就冇時間點睇，但我收到好多回應，夠寫實，又話我哋冇好多餘感情線，每個故事都好到肉。」

另外在活動中，嘉穎自爆在家中沒有地位，稱兩位兒子是「皇上」，嘉穎笑言：「我咪係小貴子，佢哋咪皇上，『係，嚟，點呀，想要咩』，因為我想畀一個快樂童年我兩個仔先，至於讀書叻唔叻呀，我一定唔係虎爸，唔會叫一定要做晒啲功課。我會揀啲容易學校，國際學校係後備，我想佢學中文，會畀本地學校佢哋先。當然如果晚晚喊辛苦，就會轉。我唔一定話要點樣，只要做個好人就得，開心童年。」在物質生活方面，嘉穎坦言只要不是過份要求也盡量滿足他們：「唔好要個月亮我點拎畀佢哋。呢個係踩線，邊邊叫錫，邊邊叫縱，如果我覺得過咗就會拎返平衡。」