東張西望｜6歲天瑜遇醫療事故　自閉症哥哥：唔想妹妹做植物人

日前《東張西望》報道6歲小天瑜疑因醫療失誤，慘變植物人。天瑜的爸爸周先生幾經追問原因，醫院在半年後才回復有關查詢，表示是因為臨床醫護人員與血庫方面的溝通問題，所以發生了延遲輸血事件，《東張西望》派出利穎怡到天瑜家中跟進事件。

事件曝光後引來極大迴響，天瑜爸爸感謝各界支持，但對所有捐助均表示婉拒：「大家有心，我心領喇，不需要，而家生活都勉強可以，唔係冇錢開飯，同埋唔想呢件事加添其他色彩。我公開呢件事唔係賣慘或者眾籌，只係想同個女有交代，為佢討回公道。網友們畀好多建議方案我，心入面團火再次重燃，有番希望，可以再盡力啲去醫番好個女，可能機會好渺茫，但作為爸爸，面對咁嘅事，就算機會係千分之一都要去做，老實講，好辛苦，但對比起個女受嘅苦，我嘅苦又算得啲咩？」

天瑜至今已躺在床上16個月，一直在大口環根德公爵夫人兒童醫院留醫，而天瑜哥哥軒軒原來患有自閉症，對妹妹消失多時不明所以，爸爸哽咽講解妹妹的情況，軒軒聽到「植物人」的字眼天真地問「點解」，又主動話要為妹妹祈禱，「親愛嘅天父，我希望妹妹快啲好番，快啲返屋企，我唔想妹妹做植物人，快啲返屋企。」令觀眾無不感傷。