明日情人節，其實又名「愁人節」！因為慶祝活動總離不開行街睇戲食飯，另一半一定嫌「太行」，每年都要求「穫穫新鮮」，所以不少男女都為驚喜「愁」到爆！不過辦法總比困難多，今個情人節，大家不妨還原基本步，實行用說話向愛人深情表白！不過，說話都要有技巧。記得才子黃子華曾經講過：「真心話用外語講，真心好多嘛！」此話所言甚是。而法國一向滲透浪漫氣息，用法文表達愛意，對方一定十分受落！因此，《香港01》特別找來曾經在法國居住廿多年的型男黃長興，教大家講番句法文，一定比簡單一句「我愛你」誠意得多！