35歲李思雅憶述採訪時曾遭「咸豬手」：當時好驚但要捱住完成訪問

出身自運動世家，35歲的李思雅原是網球好手，19歲時參選05年港姐入行，其後主要做主持工作。她憶述2013年到法國勒芒採訪時就發生不快事件，慘遭一班外籍男士摸屁股﹗

13、14歲時已代表香港出賽，李思雅更曾到澳洲網球學校讀書，但有感身形力量遠遜外國運動員，毅然自我挑戰報名參選港姐：「我選之前未著過高踭鞋，淨係著運動鞋。要我著4吋高踭鞋行catwalk？我行到就嚟跌都未成功行到第一步！嗰種感覺好陌生，同埋嗰時好細個，咩都唔識。」

李思雅落選後加入TVB，主持《體育世界》超過十年：「咁多年印象最深刻係08年採訪劉翔，因為佢出到場退賽，唔多人搵到佢做訪問，最終我喺MIX ZONE捉到佢訪問。」出外做採訪會遇上不同突發事件，李思雅憶述曾慘遭一班外籍男士「咸豬手」：「2013年同陳庭欣去法國勒芒採訪，因為法國人比較熱情，所以佢哋可能唔小心掂到我patpat，當時我都好驚，但都要捱住完成訪問先啦，因為當時氣氛好熱烈，無理由停咗係度問 邊個摸我， 之後先同導演講我頭先被人摸patpat。」