渣打馬拉松丨張繼聰93分鐘完成半馬 全靠女兒一個窩心舉動堅持
撰文：賴家杰
出版：更新：
《渣打馬拉松2021》今天（24日）舉行，早前為了拍攝一部講述馬拉松的電影而開始練習跑步的張繼聰，今天參加了半馬（半程馬拉松）項目。
阿聰以1小時33分鐘完成賽事，這是阿聰第一次參加，對成績好與壞方面沒有什麼概念，坦言只是聽從教練的安排和要求：「教練叫我最好100分鐘跑完半馬，咁我就1小時33分鐘，即係93分鐘。我練咗一年，因為一套電影就去訓練，我角色係一個馬拉松運動員，所以我都想感受下。」
昨天（23日）阿聰在IG發布了女兒幫他左手塗上指甲油作打氣的照片，女兒希望阿聰如果中途要放棄，便看看左手的手指，然後堅持完成賽事，此舉令到阿聰非常窩心。阿聰透露剛才跑西隧的時候，幻想自己是災難片的主角：「我一路跑一路望住隻左手指甲油，幻想自己係災難片主角，隧道塌下來，我要出去見返個女，心諗『爸爸會出返嚟，爸爸會出返嚟』，然後係咁過啲人。」
大會向每一位完成賽事的參賽者給予獎牌，阿聰說已經打算送給女兒：「聽講限定時間跑晒會有獎牌。我打算送畀個女，當然唔會詳細講跑得晒個個都有，但我會講跑贏咗幾百人。」