《大時代》旺蟹吳啟明變音樂人　開虛擬演唱會挑戰《新不了情》

《大時代》角色「丁旺蟹」演員吳啟明醉心音樂，將於本月21日開網上虛擬演唱會，今次吳啟明聯同Decentraland合作，除了開騷唱歌，亦會為演唱會推出30萬美元的NFT產品，包括有他簽名的太陽眼鏡，十分有諗頭！

吳啟明今次的「Metaverse festival」網上演唱會，只要經免費註冊，即可以在Decentraland及騰訊網站免費收睇。據知演唱會25分鐘會唱9首歌，包括自彈自唱經典歌《新不了情》，吳啟明透露《新不了情》有好多歌手翻唱，自己亦有一直思考自己的風格，今次終於有機會嘗試。

吳啟明接受訪問時說：「其實我非常之榮幸，可以同全世界最大嘅虛擬世界公司合作搞呢個演唱會，我本身係online game迷，講緊廿幾年前已經迷到不得了。我好鍾意虛擬世界，對我嚟講虛擬世界係好真實，喺虛擬世界都係有難題、煩惱，呢次演唱會係我第一次喺虛擬世界演出，希望大家多多支持。」

同場加映：79歲許冠文孖太太與謝玲玲飯敘　結婚49年恩愛如昔羡煞旁人