【年初一】胡楓扮財神派歡樂　心未忘妻：還有思念！

大年初一，見到胡楓扮財神，開開心心都會想上前沾沾財氣。不過，大家都知道與修哥相愛59年的愛妻呂詠荷去年10月回了天家。事隔4個月，眼見修哥身穿充滿賀年氣氛的財神裝，總帶著半點傷感，修哥早前接受《香港01》訪問時，修哥嘆了口氣說：「心情呢？還有思念的，今年靜靜地咁過囉。」身為基督徒的他表示，扮財神只是工作，宗教與工作分明，不會有衝突，「都扮咗好多年，突然唔扮仲唔知點咁啦！宗教還宗教，工作還工作，分得好清楚，等於拍戲、拍劇裏面都會拜神，唔會有衝突嘅。」修哥表示過往都扮慣財神，所以今年都會繼續扮落去。

現場所見，修哥都非常專業。向高層拜年之餘，更代表公司向觀眾派50蚊利市，配合新年的喜慶氣氛，仍然笑面迎人。而到台後，因為新春關係，修哥亦不欲多提新年以外的不快事，私下都很沉靜。不過，當見到有觀眾要求合照，修哥都有求必應，笑笑口咁影相。修哥接受訪問時透露今年私底下不會派利市。希望修哥新一年身體健康，開開心心。