魷魚遊戲︱譚俊彥首開腔與李政宰撞樣：冇得比較人哋係影帝

近期熱播的劇集《魷魚遊戲》成網上熱話，其中主角李政宰不少香港市民看完後，直言譚俊彥與李政宰樣貌極相似。今天（5日）譚俊彥接受《香港01》訪問回應，他說：「其實好熟我嘅朋友都知唔係新聞嚟，嗰時我拍緊《失憶24小時》湯洛雯睇緊李政宰另外一套劇，佢日日返工就話不如我哋講韓文。嗰時玩就冇咁大迴響。」

不少人會將譚俊彥與李政宰樣貌去拼圖比較，譚俊彥回應不敢去比較：「人哋影帝嚟㗎，同埋我好尊重佢，佢真係一個好專業嘅演員，十年前有一部戲《下女》，佢係做一個斯文敗類。嗰時我已經諗，要接一個劇演斯文敗類我會好難受，我人唔係咁，點解要咁做呢？但我睇完佢演出我就明白。冇得比較，人哋係影帝，我只係一個慢慢學習緊嘅演員，我唔想叨人光，人哋成功付出咗好多努力。」

按圖睇網友推爆神撞樣香港版《魷魚遊戲》選角：