太太李潔瑩宣布封肚 黎諾懿大意漏口風陀B仔 ：兩兄弟和睦相處
撰文：吳子生
出版：更新：
黎諾懿與陀 B七個月太太李潔瑩（Nicole)今日（2/10）現身電視城出席《思家大戰》節目錄影。提到造人成功，黎諾懿笑言：「其實都搞咗一段時，咁總算喺囝囝4歲嘅時候整返個，係因為都唔想相隔得太遠，如果相隔得太遠就冇意思，咁所以希望佢哋兩兄弟和和睦睦咁相處。（照咗喺仔？）唔講得。因為我太太想有啲特別嘢想公佈，咁所以我會由佢到時同大家講。」被問到會否封肚？Nicole表示：「收工啦！因為年紀大機器壞搞唔掂。如果佢入紙申請我都唔會批，哈哈！」諾懿接著說：「如果我後生多十年就會，而家真係搞唔掂，湊兩個真係好辛苦。」