郭晶晶疫情唔搞Party慶40歲生日 同霍啟剛邊工作邊拍拖保持恩愛
撰文：邱愛霖
出版：更新：
「跳水皇后」郭晶晶今日（29日）孖劉鑾雄太太甘比（陳凱韻）出席慈善活動。郭晶晶下月15日便踏入40歲生日，問會如何慶祝，晶晶表示：「冇呀，都係同家人一齊。而家係疫情，都唔可以Party。」兩人工作繁忙，問她會否同老公霍啟剛二人世界，她以普通話回答：「逛街已經很久沒有了。大多數時間只可以幫他邊工作、邊拍拖，我有時間會陪他看演出、音樂會。」
晶晶一向同霍啟剛十分恩愛，問如何令愛情保鮮，她則表示：「都係一路係咁，互相遷就。（一齊做運動維繫感情？）會一齊做運動，平時老公要返工、小朋友要返學，我多數同小朋友多一齊，但有時小朋友瞓覺，我哋一齊睇下戲、去睇下騷。」現在天氣轉涼，她透露會不時帶小朋友行山、踩單車，「平時都好多親子樂。但平時好忙，所以會珍惜成家人一齊嘅時間。」
點擊睇晶晶同霍啟剛家庭樂：
+10
點擊睇晶晶18歲時辣妹靚相，以及她再着國家隊泳衣的抖音短片：
+43
點擊睇霍啟剛一家五口的靚相：
+24