呂良偉撐內地「限娘令」 反對花美男充斥娛圈：咁會帶起歪風！
撰文：鄺鈺瑩
出版：更新：
呂良偉因疫情關係而留在內地一年多時間，近日終於返港，並頻頻與好友聚會，今午現身粵劇《呂布情傾貂蟬》發佈會時，呂良偉表示本身昨日要返回內地隔離，但為撐好友，所以不惜改期。提到今次返港，呂良偉表示見得最多嘅係好友關芝琳。「尋晚先見完佢，多數喺朋友屋企聚會，不過我今次見到佢都讚 ，因為狀態大勇，比之前靚咗 、又飽滿 、人都開心咗 ，呢個好緊要。」呂良偉又話聚會時大多玩抖音或小紅書，反而唔會打麻雀，原因係覺得浪費時間。
提到內地近期禁止「娘炮」小鮮肉，花美男可能從此絕跡內地娛樂圈，一向形象正氣的呂良偉表示十分讚成。「官媒話要打擊娘炮我覺得係有咁嘅必要 ，作為公眾人物 ，你要有正面形象 ，唔好被人覺得男不男、女不女，去引領下一代嘅審美眼光，咁會帶起歪風 ，所以正視呢個問題係好。」
同場加映：65歲凍齡呂良偉身價逾10億 與老婆春遊賞花戴百萬小紅表超搶眼
+49