把關者們｜黃智雯戲份勁少似戥腳？　暗示將有「sheshe」場口

無綫劇集《把關者們》熱播當中，由袁偉豪、陳家樂、黃智雯、王敏奕及劉佩玥等人主演，陣容確實帶來一點新鮮感，特別是早前在《刑偵日記》大放異彩的黃智雯，更吸引到不少粉絲開電視支持。不過就第一周劇情來看，黃智雯的戲份實在少之又少，甚有陪襯、「戥腳」的味道。

日前（24/9）黃智雯出席劇集宣傳活動時，就為粉絲釋疑，說：「前半段係比較多學員訓練部份，成套劇係一個teamwork，而且係話畀觀眾知海關嘅生活係點。我自己嘅戲份，咁大家就要留意，之後會結婚踏入新婚生活。當然新婚生活就係前面愈甜蜜，後面愈痛苦，後半段就會經歷女人最痛嘅時候。」

有人指黃智雯的出現只是為了陪襯王敏奕，因為王敏奕才女一。黃智雯回答說：「唔應該用戲份去分邊個係女主角，因為（套劇入面）幾個部門都好重要。」她表示，王敏奕的部門比較多動作場面，而她所屬的部門則較多文戲，各有不同。

談到劇中與袁偉豪和王敏奕之間的「三角戀」關係，黃智雯就賣了個關子，說：「男同女未必會有感情瓜葛。（女同女？）OK㗎！其實我幾鍾意同敏奕嘅一段感情，觀眾睇我哋中間好似夾咗個袁偉豪，其實後半段因為坦誠而會互相傾秘密，呢啲關係描述反而仲有趣。」