炎明熹「慳妹」本色盡現公開理財方法：要做到錢有入冇出！

炎明熹（Gigi）今日（21/9）現身電視城出席無綫音樂節《勁歌金曲》錄影。提到理財方法，出名「慳妹」的Gigi直言要做到錢有入冇出：「每次我收到零用錢嘅時候，都會將全部放喺個錢罌度，放咗落去都盡量唔會攞出嚟，如果每次返學，我就會最多攞一百蚊出嚟。你問我係咪一日慳妹？其實我肯定係，仲要係慳到爛嗰隻。通常使落自己度就唔係好多，反而買畀人哋嘅嘢多過自己。有時如果姑丈喺度我根本都唔使用錢，因為多數由佢負責畀錢。」

今個月月頭是剛剛開學的時期，不少學生都會在開學前購買新書包，而炎明熹於Instagram限時動態上公開一張Adidas的紫色背囊「小紅」，雖然外表看似完好無缺，但入面已經開始「甩皮」，充滿歲月痕跡：「小紅的五臟六腑已破損，永遠懷念你，2021.09.18，再見。」GIgi與舊書包道別之後，終於買了一個新書包返學：「我終於擁有新的上學書包了！哈哈哈哈！開心到模糊！」