七仙羽米線廣告奪7項金獎　首次參演葉念琛賀歲電影做林盛斌老婆

七仙羽（七師傅）早前拍米線及支付平台廣告惹起網絡熱話，首個主持的綜藝節目《七救星》反響不俗，人氣扶搖直上，她亦因《七救星》與林作母親Lily結成好友，林媽昨晚（18日）自費$6,888邀請她到場觀看兒子和鍾培生的拳賽，七師傅笑言會即場作法保護林作。

七師傅密密接Job，近日決定處女初試拍電影，獲邀參演葉念琛執導的賀歲電影。戲中她飾演林盛斌（Bob）的富婆太太，同劇演員更有成功憑電視劇港版《大叔的愛》彈起的娟姐（練美娟），七師傅同喜感十足的Bob演夫妻，相信屆時將再大放笑彈。

七師傅接受《香港01》訪問時表示，拍電影沒有接廣告咁多錢，但感覺新鮮，「辛苦，但同拍電視唔同，係好多人服侍，會舒服啲。例如我拍嗰陣著高踭鞋，拍完之後即刻有人換拖鞋畀我著，即刻又有茶水部嘅人攞茶畀我飲，冇拍過電影唔知係咁，冇人幫你主動攞鞋。」

她又謂，葉念琛要求嚴格，雖然她沒有時間磨練演技，但許多鏡頭都一Take過。戲中她與Bob飾演夫妻，會有嗌交場口，而練美娟則飾演Bob的前度，「我冇做過戲，但佢要呢樣嘢，我即刻就諗到要點表現出嚟，因為本身都睇下電影、電視，所以我估到估到佢要咩。因為我本身係個修行人，冇火、冇脾氣㗎啦！入面同Bob嗌交都係睇電視學返嚟。」

七師傅參演葉念琛賀歲電影：

另外，七師傅早前拍下的米線品牌廣告創意十足，在今年的最佳廣告頒獎禮勇奪9項大獎，其中7項為金獎，包括年度最佳公關項目、最佳創意（社交媒體）等等，可見人氣強勁。

點擊睇頒獎禮照片：

林鍾百萬大戰｜林作媽媽自費入場帶七仙羽助陣：一邊睇一邊作法