苟芸慧今年6月驚爆婚變搬離愛巢 好友王君馨：做朋友會支持佢

現年38歲的前華姐冠軍苟芸慧（苟姑娘）於2018年跟「錫礦大王」陸佑後人兼賽車手陸漢洋結婚。婚後苟姑娘減少幕前工作，專心做少奶奶，更不時跟老公在社交平台放閃曬幸福。不過今年6月突然傳出二人出現婚姻危機，有指苟姑娘已搬離貝沙灣愛巢，在九龍站附近租屋自住。

昨日（18/9）王君馨（Grace）出席無綫劇集《我家無難事》宣傳造勢活動時，就此事接受《香港01》訪問說：「其實佢啲私人事，最好就問返佢啦，做朋友嘅會支持佢，愛錫佢同關心佢。（雙方有聯絡？）我哋有保持住聯絡。喺兩個月前我哋都有見過面，係因為同佢慶祝生日。（中秋節會否相約處女黨成員聚會？）係喎！點解今年諗唔起嘅。可能因為平時都係約開邊個生日嘅時候先見面，而且嗰啲時間係比較容易記得，不過唔緊要，最緊要大家能夠溫溫馨馨咁過中秋。」