宋苑穎奪冠似發夢 唔會趁機聯繫生父：如果佢有睇都會戥我開心
撰文：鄺鈺瑩
出版：更新：
新一屆港姐冠軍宋苑穎（Sabina）出身選美世家，其母親、堂家姐與堂妹也是澳門小姐出身，而婆婆一輩亦有人贏過加拿大小姐及三藩市小姐，今午她會見傳媒時，笑言雖然經過一晚時間沉澱，但仲好似發緊夢。「會有少少遺憾係媽咪喺澳門過唔到嚟，但我知佢好忙，好難拎到假 ，不過佢有喺電視機面前支持我 ，有為我感到驕傲。」她表示已三個多月無見媽媽，之後由於工作關係，之後亦未必可以返澳門，唯有希望媽媽能來港探她。「尋晚一完騷有打比佢，知佢喊咗好多次，好為我感到驕傲（佢對你有咩評價？）佢好中肯 ，做得好會講 ，佢有話我問答唔係咁好。」
Sabina的父母在她4歲時離婚，她從小隨母親生活 ，問到會否趁今次機會與父親聯絡，她說：「唔會， 因為分開好多年 ，佢又無特別關心我嘅生活狀況 ，我諗尋晚如果佢有睇 ，佢都會知我拎獎 ，會戥我開心。」