邵初「爆冷」成雙料季軍　強調自己無後台：平常心去做一個騷

邵初（Kristy）在《2021香港小姐競選》先獲友誼小姐，之後再打破三甲不入魔咒，奪得季軍。賽果出爐後，既有網民認為「爆冷」，但亦有認為「實至名歸」。Kristy 今午接受《香港01》訪問表示好與壞都會接受：「12個女仔都好平均 ，都知評判係好深思熟慮去揀， 我自己入5強時已經好開心 ，當然會驚訝，因為大家都好好 ，同埋拎咗友誼小姐後，我已經好輕鬆，因為係11位佳麗俾咗獎我 ，所以平常心去做一個騷。」

另外，有指昨晚完騷後志偉親自揸機為她拍照，似乎對她特別照顧，Kristy強調自己無後台：「其實唔係親戚又唔係父母 ，嗰幕應該係贊助商同我哋影相，當時有位太太頭髮亂咗，我幫佢整，咁可能令大家以後我係佢個女或者親戚，我無後台㗎。」