張致恆拳賽前怕體力不能應付　對手大J：佢希望每回合改成2分鐘

9月18日鍾培生與林作將正式踏上九展，舉行「百萬擂台戰」，同日亦有張致恒（Steven）與著名YouTuber大J對戰。拳賽還有8日但已火藥味甚濃，大J於網上爆出，張致恆疑減磅不成，反要求大J臨時調高原先合約的70KG對賽體重。大J又再出POST，透露又再收到新要求：「事情仲未完結！」

大J指再次收到大會通知想作出改動：「話希望拳賽由原本每回合打3分鐘改成每回合2分鐘（？？？）原因係【張X恆體力怕不能應付3分鐘回合】......我當然堅持要3分鐘，簽曬合約架嘛...係我堅持底下，對面回應【如果堅持要打3分鐘1回合，會選擇退賽】.... 真係好野。好，就同你打2分鐘3回合，不過無可能免費比你話改就改，如果唔係簽合約黎托啊？我俾對面兩個選擇1，增加罰款 或者2，公開拍片同主辦，觀衆，我，道歉，解釋點解要咁多改動。結果對面係選擇增加罰款（我到時收唔收到，就到時再算）欸... 厲害厲害。關於較早前大會聯絡，希望我提升體重出賽既要求一事經過我多番拒絕之後，雙方維持合約上列明既70kg出賽。如果任何一方超重，亦需根據合約上列明罰款。」

點撃下圖睇大J點講：