Edan、Jeffrey齊齊掘金　爵屎想即場驗收操肌成果：除衫！

呂爵安今早與魏浚笙齊齊出席品牌活動，吸引大批粉絲到場。(葉志明攝)

最近忙於拍攝新劇《i.SWIM》嘅MIRROR成員呂爵安（Edan）今早（8/9）聯同劇集另一男主角Jeffrey（魏浚笙）齊齊喺尖沙咀出席品牌活動。一如以往，有Fans為霸靚位，凌晨四點就到場，未到十點，現場已經企滿近8百人。

即場示範香水。(葉志明攝)

身穿黑色西裝嘅Edan現身後，不時與「爵屎」揮手，之後走均全場影相，期間不停有「爵屎」大叫「呂爵安世一」、「你好靚仔」、「白馬王子」，或者係知道Edan最近為拍劇而狂操肌，所以亦有人大叫「除衫」。

Jeffrey 擺出心心甫士時，粉絲嘅尖叫聲連佢自己都嚇親。(葉志明攝)

Jeffrey拍攝單人照時，不停擺出各種甫士，聽到有Fans 問「有冇心心」時，他亦十分識做做出心心動作任影唔嬲，搞到現在尖叫聲不絕。之後與Edan影雙人照時，不時黐實對方，成功再一次引起粉絲瘋狂尖叫。兩子逗留約一小時後離開，臨走之前，Edan走近「爵屎」大合照之餘，亦頻頻向大家表示「辛苦晒」。

Edan離場時，不忘向大家講「辛苦晒」。(葉志明攝)

點擊睇現場盛況

+21